Естетска
стоматологија
Денес многу луѓе се повеќе се заинтересирани за естетската стоматологија, како начин за подобрување на нивниот изглед. Овие третмани опфаќаат исправување, избелување, преструктуирање и поправка заби. Козметички третмани вклучуваат фасети (ламинати), коронки, мостови, естетски пломби и избелување на забите.
Што се фасети ? (ламинати)
Фасетите, односно ламинатите се тенки парчиња порцелан. Тие се прецизно изработени и како тенка лушпа ја покриваат површината на забот.
Порцелански фасети се користат:
– за да се прекријат површините на пребоени заби кој не можат да се избелат
– за корекција на формата и/или должината на забите, кај пациенти кои не се задоволни од изгледот на своите заби;
– за подобрување на изгледот на оштетeни заби (од кариес) или скршени заби (траума).
Дали можам да ги избелам моите
заби
Избелувањето на забите е многу ефикасно доколку сакате да ја осветлите природната боја на вашите заби. Во зависност од вашата желба, забите може да се избелат за една или повеќе нијанси.
Мојот заб е скршен, што да правам?
Доколку забот е скршен, или поголем дел од забот е пломбиран, се репорачува да се направи коронка на забот, која како навлака налегнува врз вашиот природен заб, со што се враќа функцијата на оштетениот заб, како и естетиката.
Бели естетски пломби
Повеќе од 150 години за пломбирање се користел сребрено-сив материјал наречен “амалгам”. Амалгамските пломби се сметале за едни од најцврстите материјали за пломбирање со најголема трајност. Но, со текот на времето на многу луѓе им сметала различната -сива боја, како и фактот што претставуваат потенцијален ризик за здравјето.
Белите микро-хибридни и нано-хибридни композитни материјали се популарна и идеална замена за старите амалгамски пломби. Овие нови материјали со својот избор на бои свршено се вклопуваат во секоја боја на заби. Во многу случаи е невозможно да се забележи дека забот има пломба.